Kohima, 10 September: Nagaland laga Chief Minister, Neiphiu Rio para Monday deh koise, Citizenship (Amendment) Bill toh manu khan ektum kushi napowah laga ase. Judi Centre para etu bonaise koile Northeast laga demography toh pura-puri putli hobole ase.
Fourth NEDA conclave lowah time deh CM Rio para Union Home Minister Amit Shah agae deh Citizenship (Amendment) Bill ke gara para kelaaf kora thakishe. Tai koise, Northeastern states laga sob manu khan para jesla kori kena thakishe legislation para region ke dekthari nadebo nemide.
Rio koise, “Ami khan biswaas ase North East laga demography toh putli hobole. Ami khan ground situation opor deh buchibo laki.Tai biswaas kora toh Shah aro central government para ami khan laga kotha honibole biswaas korise.
Rio koise, Naga Peace accord opor deh kotha toh advanced stage deh ase.
Tai koise, “Ami khan solution toh joldi hobo nemide biswaas ase. Ami khan para be joint legislation group bonaise”.
Rio para Nagaland issue thek hobo nemide region laga sob states para support mangkishe kelay koile etu Northeast deh sob karni issues howah karni.
Add Comment