ZUNHEBOTO,SEPTEMBER 10,2019: Pughoboto Sub Divisional Planning and Development Board laga meeting toh MLA aro Chairman SDPDB Pughoboto, Y.Vikheho Swu para DB court hall, Pughoboto 10th September 2019 te loishe .
Etu chairman parqa Pughoboto (www.adcpughoboto.nagaland.gov.in) laga official website oalsieh etu para first ADC HQ state te hoishe website thaka toh.Etu website te alag alag service khan manu khan ke dibo kun khan asani para etu division laga khobor toh janibo.Chairman para koishe Pughoboto laga manu khan etia ST and Indigenous certificate Form aro dusra document khan etu para download kuribole paribo.Tai para officers khan ke khushi janaishe etu website ola nimete etu para transparency aro accountability anibo aro tai para board members khan ke authentic information khan dibole koishe.Tai koishe etu para officers khan laga efficiency toh enhance kura hi nohoikena sub divisions ke upgrade kuribole paribo.
Meeting te MLA para char sal para Thuwuni festival manithaka laga kotha kurishe aro koishe Thuwuni 2019 toh olop diri nimete rukhaikena thakibo Natsumi aro 75 years celebration Pughoboto Town te kaam kura nimete aro etu logote etia jai thaka Dimapur para Kohima tak jai thaka four lane laga kaam chuli thaka nimete etu para manu khan berai thaka dukh pabo.Tai koishe Thuwuni Badminton tournament toh aha sal Pughoboto te lobo aro Music Thuwuni- a toh Pughoboto, Kohima aro Dimapur te lobo Aphuyami people ke promote kuribole nimete.
Pughoboto para Zunheboto tak laga Doyang bridge toh komjor thaka nimete house para manishe bhaari gaari khan 10 tonnes para uporte thaka toh berabole nadibo order napaa tak.
Aha SDPDB meeting toh Ghathashi te lobo. Government High School para presentation dishe.Etu school toh March 2020 te 75 years manibole ase .
Add Comment