Huzurnagar, October 31 : Congress party ke Telangana te komsikom ek dozen Chief Ministerial candidate asey koikina jukaikina Chief Minister K Chandrasekhar Rao (KCR) para Tuesday din te manu khan ke enaka party ke vote dhalibole koisey kun khan para kosom ke pura korey. Telangana te assembly election nimitey rally kora te BRS party laga candidate khan nimitey vote mangikina, KCR kunke Rao bi matey, tai para koisey ki Congress leader khan tu poila para taikhan laga post aro contract khan te interest thakisey aro kitya bi etu jaga laga manu khan laga bhalayi nimitey chinta koranai.
Tai para ekta dangor purana party laga majak uraikina koisey, “ Sobsey dangor problem tu etu asey ki Telangana congress te ek dozen chief minister hobole mon thaka candidate asey. Apni para kotey bi sabo tatey chief minister laga post nimitey candidate dikhibo. Judi ekjun manu para Chief Minsiter hobole mon jai asey koiley dusra khan para taikey nichey namaidibo. Sob manu para etu dawa kurikina vote mangey ki judi tai elect hoisey koiley tai Chief Minister hobo.”
Congress leader khan laga khilaf te tai para etu koisey ki poila laga AICC president Rahul Gandhi para Telangana CLP leader Bhatti Vikramarka tak para koi ki Dharani ke hataidibo lagey kuntu para biya natija olabo parey.
Dharani tu ekta mati laga record manage kora online portal asey kuntu ke BRS laga sarkar para Telangana te lagu kurisey.
Tai para November 30 laga Assembly poll te Congress para jitibole laga eku situation nai koikina enaka koisey, “Apni khan para bisi election dikhisey aro jaija homoitey vote bi kurisey. Manu khan bhabna kurikina vote kuribo lagey. Enaka hoiley hey manu khan jitibo nohoile tu leaders khan hey jitibo. Manu khan jitiya laga election hey asli election asey. Aro enaka hoiley hey manu khan nyay pabo.”
Add Comment