CM nemite JP Nadda para Amit Shah lok korishe

May 7, 2021: Thursday din te Top BJP leaders aro party president JP Nadda para loikena Home Minister Amit Shah laga ghor New Delhi te Assam Chief Minister juniboli nemite meeting thakishe koishe. West Bengal te Nadda para election samai jamila thaka te campaign kori thaka toh Thursday din national capital pongchise. Khobor para koishe ke, meeting te leaders khan para chief minister Sarbananda Sonowal aro finance minister Hemanta Biswa Sharma laga nam toh Assam Chief Minister nemite kotha korishe. Khobor para aro koishe ke, party khan parliamentary board meeting kora beche te Chief Minister laga nam toh final fesla koribo. Olop din akhe Assam Assembly election kotom howa te, next government bonabo nemite BJP-led alliance majority paishe. 126-member Assembly te, BJP-led NDA para 75 seats kamyaab hoishe aro etu samai Congress toh 50 seats paishe. Khobor hesab te, chief minister Sonowal ke Himanta Biswa Sarma para putli koriboli te BJP toh pressure te ase keli koile Himanta Biswa Sarma toh Delhi te tangor leaders khan logot samil hoikena ase koishe.