May 7, 2021. Friday din National Green Tribunal Registrar, General Ashu Garg COVID-10 bemar para morishe. Etu khobor toh administrative civil judge (central), Delhi, Shirish Aggarwal para janai thishe. Friday din Aggarwal para koishe, “besi mon dukh ase ke etu khobor Sh. Ashu Garg, Ld. Registrar General, National Green Tribunal, New Delhi, aji pujur Covid-19 bemar para mori jaishe”. Khobor hesab te, 2005 saal te Garg para BA LLB (Honours) toh Amity Law School te kotom hoishe aro etu beche Garg para LLM toh Kurukshetra University te loishe. Tai para aro Indian Law Institute, Delhi te Intellectual Property Rights PG te diploma korishe aro Amity Law School, Delhi te aro Cyber Laws te PG diploma loishe. Garg para 2007 saal Delhi Judicial Service te joined korikena Delhi High Court te law researcher kori thakishe. November, 2019 saal te tai ke Delhi Higher Judicial Service te promoted korishe. Judicial officer kora samai, Garg para civil judge, metropolitan magistrate, additional senior civil judge/judge small causes court, additional chief metropolitan magistrate aro chief metropolitan magistrate (central), Delhi te kam korishe. Garg ke aro Delhi te additional sessions judge junishe. Tai para National Green Tribunal (NGT) te January 14, 2020 saal te Tribunal’s Principal Bench, New Delhi te Registrar General te joined korishe.
Add Comment