NEW DELHI, SEPTEMBER 7 : India aro France desh 2 jun Rafale Deal nemite kotha melai kena sign kura ke besi jun kobi Opposition Parties porabi ekdam hala kurikena thakise. Etu ke juwab de kena Deputy Chief, Air Staff laga Air Marshall Raghunath Nambiar pora Thursday din etu hala kura toh mesa-mesa ase aro thik nathaka laga ase koi kena janaise.
Tai etu juwab diya toh kedia 8th Heli Power India kan International Seminar mana time te juwab de kena janaidiya laga ase. Etubi Subruto Park, New Delhi te mana time te.
Congress Chief Rahul Gandhi aro tusera Opposition Parties leaders kan pora Central Sorkar kan BJP-led Coalition pora ahkete luijai kena mana ke ekdam khilaf kurikena etu Rafale Deal nemite kotha ulai kena thakise. Etubi Rs. 58,000 crore poisa 36 Rafale Jets kinnibole kura karne etu toh poisa besi bhelai kena kina nesena ase koi kena kotha ula ke.
Etu karne etu Air Marshall pora juwab de etu hala kura aro kotha Nahua kan Opposition leaders kan pora ula toh ekdam thik nai. Aro etu Ura Jet kina daam toh tai kan Opposition Parties kan eku najani kena hala kuri ase koi kena janaide thakise.
Etu Rafale Jet toh 2 ta Engine laga (Twin-engine) ase. Etubi Medium Multi Role Combat Aircraft. Aro etu toh French desh laga Aerospace Company Dassault Aviation pora bana laga ase koise.
Add Comment