NEW DELHI, SEPTEMBER 7 : Jammu aro Kashmir aro Pubjab state 2 ta jaka te etu sal majutte 60 kg bhari Heroin dawai thuri bai kena ase. Etubi Narcotics Control Bureau (NCB) pora etu state 2 ta laga sob jaka te ki-ki besara-besari mana time te koi kena Thursday din janaise.
Senior Officials pora koa hisabte etu Heroin dawai toh September moina darek 2 te thuri babole barise. Etubi kedia Narcotics Agency Officials pora Jammu te kari ekta rokha time te. Etu kari rokha time te 22.14 kg bhari Heroin dawai thuri baise aro etu chamala nemite 3 jun thura huise koise.
Etu time te kotha hutha-huthe kura time te etu 3 jun pora etu dawai toh Handwara, Jammu aro Kashmir laga pora Jalandhar, Punjab te luijabole kura laga ase koi kena janaise.
Etu bejete Wednesday din te etu nesena ki-ki besara-besari kurise. Etu time te etu NCB kan pora arobi 38.07 kg bhari Heroin dawai thuri baise. Etubi ekjun manu laga khor, Handwara jaka lag ate. Aro etu manu bi etu eke chamala te melekena thaka manu logot ke hi melekena thaka manu ase koise.
Add Comment