New Delhi, India, 17 October : Congress para Tuesday dey Centre ke hudishey lagi thakia samaan dey daam bishi uthia dey, kuishey ki itu para dukhia aro middle-class khantan laga zindagi bishi dukh panai dishey huilewi Prime Minister Narendra Modi toh itu laga eku jinta nai. Congress general secretary Jairam Ramesh kuishey ki prime minister toh manu khan ke statistics hisab para dube nakurina retirement luwo lagey aro itu hua piche dey hi, desh toh “Modi-para panaa laga inflation” laga aaram pawo.
Kiley aseg ki wholesale inflation rate toh data dey giri asey kitia hotai lagia laga saaman daam toh uthi asey, Ramesh hudishey.
Ekta post Hindi dey ‘X’ dey, tai kuishey, “Daam uthi thakia karoney dukhia manu aro middle-claas khatan laga zindagi bishi dukh hui asey. Huilewi Prime Minister toh itu laga jinta nai.”
Hutai julai thakia laga samaan kuntu pulses aro tuut khan laga daam uthi asey, itu karoney itu festival season bhi ektum dull ekta aset” Tai kuishey.
Itia time ahishey ki Modiji para manu khan ke statistics para dupe kuria rukhiwo lagey aro retirement luwo lagey. Itu hua piche dey hi desh toh Modi para panai laga inflation para aaram pawo,” Ramesh kuishey.
Congress para government ke attack kuri asey taikhan para economy aro uthi thakia concerns upar dey, jawaan khan kaam napai aro daam uthia laga dey.
Add Comment