Aizawl | Aug 29, 2019 (PTI): Wednesday din te opposition congress khan para Mizoram government khan ke Indian Forest (Amendment) Bill 2019 uporte kotha kuribole nimete all party meeting lobole janaishe.
state Chief Minister Zoramthanga para memorandum dikena Mizoram Pradesh Congress Committee koishe judi etu amendment bill toh passed hoishe koile toh etu toh ekta “draconian law” hoijabo Mizo manu khan nimete aro tai para state government khan ke koishe joldi hi ekta proposal dibole karne etu proposed amendment laga khilaaf.
Congress parsa state government ke all party meeting lobole koishe aro tai para social societies khan ke matishe meeting te proposed Forest amendment bill uporte koha kuribole nimete.
Congress koishe ki proposed Indian Forest (Amendment) Bill 2019 laga section 66(2) bithor te Forest department official ke authorize dishe shoot at sight order dishe kun hoilebi etu forest jaka te ghussa manu khan uporte aro section 66 te koishe ki forest department officials khan warrant nathakiena public properties te jaikena bisari bole paribo.
MPCC para press statement dia time te koishe ki etu memorandum Zoramthang ke diya te koishe etu toh former chief minister and MPCC chief Lal Thanhawlalaga study team khan paa pichede hoishe.
Dusra opposition parties aro civil societies khan para koishe aro proposed amendment laga reservation toh Indian Forest Act, 1927 ke kotha kurishe aro koishe judi legislators khan officials khan ke extra constitutional power dishe koile toh.
Add Comment