Guwahati | Aug 29, 2019(PTI): state police para report ola te koishe ki juwa sal northeastern region te road accident bishi huwa laga jaka te assam akhe te ase.
Juwa sal 8,248 accidents te sob milaikena 2,966 manu murishe aro 7,375 jhokom paishe. ‘An analytical glimpse on road accidents in Assam’, laga report hisaab te PTI te thaka toh Wednesday din hisaab te.
Etu report te koishe ki etu state toh 16th ranked te ase road accident laga number te.Aro koishe state laga 100 accidents te 30 manu murishe aro 89 manu jhokom paishe.
Juwa sal hudai din road accident te aath jun manu murishe aro 20 manu jhokom paishe. state Director General of Police Kuladhar Saikia koishe “Road safety laga kotha eman najana nimete accident laga main cause ase aro etu toh bishi bak gaari chula manu khan laga kaam ase.”
Saikia koishe bishi mura aro jhokom paa toh road accident para rukhabole paribole thakishe.2018 te road accident huwa toh 15 per cent para uthise .Etu para manu mura toh six percent para uthise aro jhokom paa toh 19 percent para uthise.
Forty eight per cent accident toh national highway te thakishe aro 26 percent toh state highways aro dusra raasta phaneh hoishe.
30 districts te Road accident toh uthise etu te charta distrct toh bi bishi uthise.Aro kotha kurile toh fatalities aro injuries khan toh 24 aro 26 districts te uthishe.
Add Comment