September 04, 2023 : Itu All India Congress Committee (AICC) para Sunday tey, ekta political affairs committee set up kurishey aru ekta organisational rejig banaishey, Nagaland laga unit tey, alag alag kisim laga fresh appointment logotey.
Congress president Mallikarjun Kharge para ekta 13- member Political Affairs Committee set up kurishey, itu Nagaland unit tey, itu state unit chief S Supongmeren Jamir, K L. Chishi, S. I. Jamir, K. Therie aru Hoketo Zhimomi laga party khan nishina, itu part laga.
Itu panel tey Khriedi Theunuo, VB Lasuh, W Akum Yimchunger, N Yona Konyak, Capt G K Zhimomi, Athang Chongloi, Nillo Rengma and Lanutemjen Lemtur khan bhi milai kena asey,koi asey.
Alag appointment khan tey, Kharge para Khriedi theunuo ke working president hisap kuri kena appoint kurishey, tai logotey charta vice-president khan bhi appoint kurishey. N. Yona Konyak ke toh hoiley treasurer appoint kurishey itu Nagaland Pradesh Congress Committee tey. Paachta general secretary khan aru duita spokespersons khan bhi appoint kurishey, utu tey he.
Ekta 21- member executive committee bhi set up kurishey, charta additional ex-officio members logotey – itu state Youth Congress laga president; state NSUI laga president; state Mahila Congress laga president aru Pradesh Seva Dal laga chief organiser.
Itu party para Javed Sarvar bhi appoint kurishey, itu minority department head hisap kuri kena, itu state unit tey. Aru itu saath saath alag alaf district chiefs khan bhi appoint kurishey, itu party para, Nagaland tey.
Add Comment