September 4, 2023 : Hundreds nihsina ,manu alag aalg body para, students khan bhi milai kena, alag alag theological colleges khan para, part loishey, itu “prayer rally aru candlelight service tey, Manipru nimitey” kuntu toh Dimapur District Sports Complex (DDSC) tey para loishey, Sunday tey, kuntu toh hoiley itu Nagaland Joint Christian Forum (NJCF), Christian Forum Dimapur (CFD) aru Nagaland Theological Colleges Association (NTCA) para mili kena organised kurishey, koi asey.
Itu participants khan ke banners aru placards khan dhuri kena bira laga dikhishey, kotey likhi kena asey ki, “Moi khan apni khan ke morom kurey arum oi khan apni khan logotey khara kuri asey, Manipur”, “Moi khan itu government ke appeal kuri asey, peace anidibi koi kena, Manipur tey”, “Moi khan appeal kuri asey, itu government ke itu religious institutions khan aru-banaboley”, “Moi khan peace aru harmony lagi asey Manipur tey, War nalagey”, “ Moi khan moi-khan-laga solidarity express kuri asey, Manipur ke”, etc, likhi kena thakishey, koi asey.
Forum for Naga Reconciliation (FNR) kun toh hoiley convenor asey – Rev. Dr. Wati Aier para tai laga speech tey emphasize kurishey, itu religious aru cultural plurality laga importance toh, aji kali laga globalised duniya tey, sob ke husiyaar kuri kena ki, ekta single political ideology ke advocate kuria para toh nijey laga annihilation hoboley pari asey aru pluralism ke embrace kuriboley encourage kuri asey, ekta constructive approach hisap tey, ki ki laga nation hoilebi.
Add Comment