May 1, 2024: Tuesday din deh Congress President Mallikarjun Kharge para Prime Minister Narendra Modi keh criticize kuri shae Muslim kan bacha kan bishi takia karne. Kharge para poverty taka karne kandan dangor hui jai kui shae. Mallikarjun Kharge para tai nijor b pastha bacha ase kui shae. “Mukan ekta majority deh jai ase; Etu karne Modi tho itia ‘Mangasutra’ aro Muslims laka kotha kuri ase. Tai para mukan, apni kan laka wealth chor kuri bo kuia se aro manu kan kun laka hath deh bacha bishi ase, taikan keh di dibo kuia se,” Congress chief Kharge para kui shae. Jua mohina, PM Narendra Modi para controversy ekta spark kuri shae taila Muslims comments karne. Tai para Congress manifesto, kandan lokot deh kiman bacha ase, etu laka isap deh property bhak kuri bole aim kuri ase kui shae. Modi para alleged kuri shae, Congress kan agae deh Muslims kan country laka assets pabo leh priority pabo lakeh kui shae kui nah. PM Modi laka etu comment keh react kuri nah, Kharge para etu kui shae,” Khali Muslims kan heh bacha kan ase neki? Mui b pastha bacha ase. Poisa nataka manu kan heh bacha bishi takeh, taikan lokot deh wealth nataka karne. Hoile b apni kile Muslims laka heh kotha kuri takeh? Muslims kan b etu country deh belong kureh,” tai kui shae.
Congress president Mallikarjun Kharge para PM keh criticize kuri shae
