May 1, 2024: Wednesday din, Tamil Nadu laka Kariapatti jaka deh ekta explosion hui shae aro etu explosion deh kom seh kom charjun manu muri jai shae aro alak bishi manu kan jokom kai shae. Virudhunagar Fire and Rescue Department para news agency ANI keh etu kui shae,” Kom seh kom charjun manu muri shae explosion deh, kuto Virudhunagar district laka Kariiapatti jaka osor deh hui shae, ekta stone quarry deh. Rescue operation tho jai ase.” Incident tho CCTV Camera deh duri bo pari shae, kuteh ekta dangor explosion hua diki shae. Preliminary reports isap deh, blast tho ekta storage room deh hui shae, kuteh explosives kan store kuri nah taki shae. Quarry tho Aviyir-Keezhauppili Kundu rasta osor deh ase, Daily Thanthi para report kuri shae. Taikan para explosives tho pathor kan bangha bo karne store kureh kui shae.
Tamil Nadu: Stone quarry deh explosion hui jah tho charjun manu muri jai shae
