Panaji: Saturday te Goa Congress president Girish Chodankar koishe ke tai laga party toh panchta MLAs khan logote kotha kuri ase. Aro Chief Minister Manohar Parrikar para chola coalition laga support para state te government banabo koishe.
Chodankar ANI ke koishe ke ek-bar ruling coalition para MLAs khan tai khan laga support wapas loi loile. Aro Shiroda aro Mandrem laga ahibole thaka by-poll elections toh kothom hoi jaile. Congress toh government banabole suru kuribo.
Jua saal bhi Karnataka laga kotha koi kena Congress Goa te government banabole kotha kurishe. State polls pichete Karnataka te BJP khan ke government banabole matishe. Hoile bhi clear verdict dibole fail kurishe.
Chodankar koishe ahibole thaka assembly by-polls pichete duita seats para Congress state te government banabo. Ami khan cholai thaka coalition laga panchta MLAs logote kotha kuyri ase. Aro ami khan tai khan laga modot para government banabo.
By-election laga dates toh etiya bhi announce kura nai. Hoile bhi ahibole laga olop moina bhitor te toh hoi jabo genika ase koishe. 12 MLAs thaka Congress toh state assembly laga principal opposition party hubo.
Congress para Governor Mridula Sinha ke memorandum dedishe koishe. Etu toh Chief Minister Manohar Parrikar treatment kuri thaka samay te dusra government banai thakibole koishe.
Add Comment