CHANDIGARH: 2015 te Faridkot laga Behbal Kalan police firing te meli kena thaka nimite former Punjab Police officer ke arrest kurishe. Et police firing te duita manu murishe.
Charanjit Singh Sharma ke tai laga ghor Hoshiarpur para Punjab police laga special investigation team (SIT) para arrest kurishe. Hoshiarpur toh Chandigarh para 150 km dur te ase.
SIT sources koishe former cop para arrest hubole olop mana kurishe. Hoile bhi Charanjit ke Amritsar te sawal hudibole loijabole team para manage kurishe koishe.
SIT in-charge Inspector General (IG) Kunwar Vijay Pratap Singh koishe ami etu arrest huwa toh confirm kuribole pare koishe. Charanjit toh agi olop samay agote tai laga ghor Hoshiarpur para arrest kurishe. Ami khan tai ke sawal hudi ase. Etiya laga samay tea mi khan etu opor te bishi details share kuribole naparibo koishe.
IG Vajay Pratap Singh koishe Charanjit toh Sunday te court te anibo.
Police officer koishe ami khan khobor paishe ke Sharma toh desh chari kena jabole kosis kuri thakishe.
Charanjit laga arrest toh Punjab aro Haryana laga High court para ahsihe. Etu toh former cop aro teenta police officers khan ke case prosecution para protection manga mana kura pichete ahishe. Charanjit Sharma toh Moga district te Senior Superintendent of Police (SSP) thakishe. Etu samay te Guru Granth Sahib laga sacrilege te bar-bar jhamela huwa nimite Sikh activists khan para protests kurishe. Etu protests kura samay te firing bhi hoishe.
Charanjit aro dusra police officers Bikramjit Singh (then SSP Fazilka), Inspector Pardip Singh aro sub-inspector Amarjit Singh khan toh murder aro murder kuribole kosis te charge kurishe. Etu toh Justice Ranjit Singh (retd) commission of Inquiry para etu charge toh recommend kurishe.
Charanjit Sharma ke kaam para suspend kurishe aro olop samay pichete compulsorily retire kuri dishe.
Punjab toh October 2015 te pura rukhai dishe. Etu toh radical Sikhs aro dusra khan para highways aro rasta khan olop din nimite bon kuri dishe.
Punjab Assembly laga opposition leader aro senior Aam Aadmi Party (AAP) leader Harpal Singh Cheema koishe ke arrest toh bhal kadam thakishe. Hoile bhi process toh state laga Congress government para deri kurishe koishe.
Add Comment