February 10, 2024: Minister for Roads & Bridges, G. Kaito Aye laga initiative tey, Consultative meeting thakishey Satakha town, Zunheboto para, 9th February 2024 tey. Meeting tey include thakishey alag alag towns aru village level stakeholder, itu twon aru area laga GBs, education department, Student bodies aru teacher’s khan logo.
Meeting tey, Officer on Special Duty (OSD) to the minister, Hukato Murru kon represent kurishey minister ke, tai para koishey minister laga serious concern itu area tey GPs, GMSs aru High schools khan tey students khan laga enrollment komti hoa karney. Tai para GBs khan ke appeal kurishey tai khan laga bosti aru area tey schools khan tey students enrollment enhance kuriboley aru progressive development aniboley itu area tey. OSD para conclude kurikena koishey ki Minister toh unavoidable government assignment karney attend kuribonapara hoishey.
SDEO Sathaka, David Zhimo para koishey ki itu consultative meeting laga main agenda toh itu area tey government school students khan laga enrollment komti hoa laga discuss kuribo karney asey. Tai para teachers khan ke appeal kurishey latest teaching system logo attached thakiboley, aru tai laga service tey sincere thakiboley.
Meeting tey adopt kurishey teenda resolution jolaboley.
- Teachers khan tai khan laga teaching duties tey focus kuriboley aru external services khan chariboley.
- Itu jaga tey thakiboley teachers khan ke lakae itu toh village aru Council khan sai tebo.
- Dangor effort debo parents aru students khan ke encourage kuriboley, itu Government schools khan ke enroll kuriboley. Local leaders, community organizations khan collaborate kurikena support kuribo enrollment drive.
North East Tey Dangor Changes Aye Asey: Major Development Karney Tayar
Add Comment