February 10, 2024: Nagaland Finance & Account Service Association laga 16th General Conference loishey 9th February 2024 tey Directorate of Treasures and Accounts Conference hall para Principal Director, Treasuries & Accounts R.N Yanthan special guest kurikena.
Program tey kotha koikena, Principal Director Treasuries & Accounts para koishey ki Department of Treasuries & Accounts toh State Government laga main part asey kontoh administer aru enforce kurey financial rules aru regulation khan. Tai para Officers khan ke matishey Directorate, District Treasures aru sub Treasuries khan tey fiscal discipline rakhiboley karney proactive role khaeleboley.
Yanthan para suggest kurishey ki civil deposit system aru Accounting Management khan toh joldi addressed kuribolakey itu para Expenditure Accounting head tey double entry nathakibo. Tai para koishey proper record documentation prepare kuriboley State Government employees khan laga service book, pay slip aru pension khan issue kura laga cases khan tey.
Nagaland Finance & Accounts Service Association laga President, Vechiso Chakhesang para inform kurishey ki Association toh 1978 tey established kurishey. Tai para salute kurishey pioneers aru senior officers khan ke kon itu Department aru Association laga growth tey contribute aru service dishey. Tai para koishey ki Department off Treasuries and Accounts toh 1980 laga saal tey formed kurishey aru aji toh Association tey 207 members asey. Tai para Finance Department aru Directorate laga authority ke request kurishey training programs khan introduced kuriboley kontoh para members khan kea lag alag topic tey train kuriboley paribo.
Add Comment