February 10, 2024: Chief Minister, Neiphiu Rio para matishey Nagas tradition laga oral literature ke preserve kuriboley. Tai para emphasize kurishey Naga Oral literature tradition ke preserve kura laga importance. “The White Owl Literature Festival & Book Fair” laga first edition inaugurate kurikena, Friday tey, Rio para koishey ki itu oral literature laga tradition, kontoh folktales aru gaana khan tey manifest kurey, itu toh precious legacy asey kontoh ami khan ke connect kurey boila laga zamana tey itu written words emerge nahoa akey tey.
Tai para koishey ki Nagas khan yaad kurey aru tai khan laga oral literature toh preserve kurikena actively engage kurey, nejor ke kisa para remind kurikena aru Nagas laga cultural identity toh safeguard kurey. Festival laga themw “Echoes of Narrative” ke refer kurikena, Rio para koishey ki itu theme para zinda kurey Nagaland laga literary heritage logo. Tai para koishey ki aji Nagas khan laga cultural richness toh zinda dikhae oral aru written forms tey.
Chief Minister akha kuriasey ki itu festival para younger Naga generation khan ke inspire kuribo pishe buriboley, bishe likhiboley aru actively contribute kuriboley Nagas laga vibrant literary tradition ke document aru preserve kuriboley.
Rio para acknowledge kurishey itu White Owl, Penguin aru Cambridge University Press logo tai khan laga collaboration karney, kontoh para aji literature festival ke jonom kurishey, aru northeast India tey ekta historic moment bana. Tai para Viketuno Rio, festival director ke praised kurishey tai laga dedication karney.
Add Comment