LAHORE: Tuesday te Pakistani authorities para Punjab Counter Terrorism Department (CTD) laga head ke kaam pra bahar kuri dishe. Etu toh weekend laga shootout opor te investigate kura pichete ase. Khobor hesab te weekend te huwa encounter toh fake encounter thakishe. Etu encounter te family laga teenta manu ke gari te highway te murai dishe.
Police koishe etu encounter te present thaka panchta CTD officials khan ke attank aro murdeer charges bhi lagai dishe koishe.
Punjab Law Minister Basharat Raja Lahore press conference te koishe Joint Investigation Team (JIT) para etu matter toh ujala te ana nimite panchta senior officers, te CTD Punjab laga Chief Additional Inspector General Rai Tahir bhi meli kena ase, tai khan sob ke kaam para bahar kuri dishe. Aro panchta officials kun etu encounter te hissa loishe etu manu khan opor te attank aro murder charges lagaishe.
Sahiwal te CTD officials para charta manu ke murai dishe. Etu te ekta teenage chukuri bhi thakishe. Etu encounter toh Lahore para 200 km dur te hoishe. Etu manu khan ke attankwadi thaka suspect kuri kena murai dishe. CTD team para guri te guli mara suru kuri dishe. Etu samay te gari te mota, maiki aro tai khan laga charta bacha aro driver thakishe. Etu ghatna te khali teenta bacha khan he bachishe.
Suru te anti-terror department para etu victims khan ke ISIS attankwadi laga naam dishe. Hoile bhi pichete etu teenta victims toh innocent civilians khan he thakishe. Etu teenta manu khan toh mota, maiki aro tai khan laga 13 years laga chukuri thakishe.
Mr Raja koishe investigation pura huwa pichete etu encounter nimite aro bishi officials khan opor te action lubo koishe.
Add Comment