Agencies: CNN khobor kurishe upstate New York laga ekta school laga lunch time te student para ekta comment khobor kuri diya nimite ek din pichete teenta mota aro ekta teenage chokora ke arrest kurishe. Khobor hesab te etu charta manu khan toh 200 miles dur te thaka Muslim Community opor te hamla kuribole plan kuri thakishe.
Brian Colaneri, 20, Vincent Vetromile, 19, Andrew Crysel, 18, aro ekta unidentified 16-year laga chokora ke Friday te Greece, New York para arrest kurishe. Sob opor te ghor te bana bombs aro Muslim community opor te hamla kuribole plan kora laga inzam ase. Etu manu khan toh Islamberg laga Muslim community opor te hamla kuribole plan kuri thakishe. Islamberg Muslim community khan toh Delaware County, New York te ase.
Police para etu 16 years chokora toh “adolescent offender” koi kena classify kuri kena rakhi ase. Police para tai laga naam aro photograph etiya tok bhi release kura nai.
Greece Police Sgt. Jared Rene para kuwa hesab te sob charta manu khan bhi Rochester, New York para ase. Aro sob charta manu khan opor te police charges lagai kena ase. Etu kotha toh etiya bhi clear nai ke etu charta manu toh lawyer tai khan nimite hire kuri kena ase sa nai.
Islamberg toh olop hundred Muslim Americans community ae. Tai khan toh New York city para teen ghonta New York city laga northwest te ase.
Etu charta manu khan laga plans toh ke thakishe etu opor te etiya investigations toh chuli ase. Phelan koishe tai khan subut besara samay te investigators khan bishi phone aro computers khan analyze kuribole lage. Etu kurile etu charta manu khan opor te aro bhi charges laga bole pare.
Wednesday 11 am te preliminary court schedule toh hunibole ase.
Add Comment