Agartala, March 12 : CPI-M aro Congress laga 12 leader para Tripura laga Governor Satyadeo Narayan Arya ke lok kurisey aro pura administration ke shanti tu wapas anibole aro manu khan laga khilaf te enaka rajneetik dushmani dikha tu hatai diboley demand kurisey.
Governor laga ghor te Governor para enaka opposition party laga leader ke lok kora tu etu shayed first time asey.
Governor ke lok kora leader khan tu CPI-M state committee secretary Jitendra Chaudhury, PCC Chief Birajit Sinha, poila laga MLA Ashish Kumar Saha, AICC Tripura in-charge Ajay Kumar, AICC national secretary Szarita Laithphlang, MLA Gopal Chandra Roy aro CPIM aro Congress laga MP(Member of Paliament) khan thakisey.
CPI-M aro Congress laga neta khan para nijor laga tin ta group banai kina Sadar, Mohanpur aro Bishalgarh 3ta alag alag area visit kurisey.
Aro koisey ki taikhan para etu hamla laga sikar huwa member khan laga parivaar te dikha aro huna tu bhabna kora para bi bisi aro bisi asurit kuridiya laga thakisey. Aro koisey ki taikhan tu etu doubt kuri asey ki desh laga kunba rajya te bi olop din agetey khotom huwa assembly election te political party khan para dusra party laga supporter khan ke khali taikhan ke support nokora nimitey aro opposition karney kaam kora nimitey he enaka dukh diya laga kaam kurisey naki.
Neta khan para koisey ki sikar huwa manu khan para taikhan ke jankari disey ki 2nd March te Assembly election laga vote ginti kora homoitey BJP khan para majority(bisi vote) pa loga log rajya te poila ekbar bi nuhuwa laga atangwadi laga kaam aro dhomki diya laga dukh pa suru hoisey.
Aro koisey ki BJP khan para jeet ke celebrate kura laga naam te taikhan laga control kuribole napara workers khan para manu khan aro khas kurikina opposition leader, worker aro supporter khan ke target kurikina ekdam morom nakhaikina biya para hamla kurisey. Aro etu hamla para bisi property khan barbad hoisey. Aro etu party laga manu khan para taikhan laga najar te aha 100 para bi bisi opposition leader aro supporter khan ke khatra para hamla kurisey.
Taikhan para koisey ki taikhan para visit kora jaga khan te barbad kuridiya ghor aro dukan khan laga bachi ja tukra dikhisey.
CPI-M aro Congress laga leader khan para police khan ke etu rajneetik gondogol kora laga hatsa te shamil thaka doshi khan ke arrest kuribole order diboley demand kurisey. Aro enaka gondogol kora te shamil thaka doshi khan laga khilaf te kanooni action lobo lagey koikina koisey. Aro etu hatsa te sob manu khan kun para thaka laga ghor haraisey, kamaikina khabole laga jaria haraisey aro kun ke ilaj kuribo nimitey bisi poisa laga khorcha uthabole lagisey taikhan ke sarkar para modod dibo lagey koikina koisey.
Add Comment