Thiruvananthapuram: CPI(M) para tai khan laga state committee member Dr V Sivadasan aro Kairali News MD, John Brittas ke ahi-thaka Rajya Sabha elections te filed koriboli fesla loishe, koikena Friday din LDF convenor & party secretary in-charge A Vijayaraghavan para junai thishe. A Vijayaraghavan para media logot koishe ke, Mr Sivadasan aro Mr Brittas toh tuita(2) Rajya Sabha seats nemite contest koribo aro etu laga election toh April 30 darik te thakiboli ase koishe. “CPI(M) state committee member Dr V Sivadasan aro Kairali News MD, John Brittas toh Kerala te Left Democratic Front (LDF) candidates neshian Rajya Sabha seats nemite contest koribo,” tai para koishe. Tai para aro koishe ke, party khan tai jun laga kam toh saikena fesla korishe. Mr Brittas toh 30 saal neshina senior journalist experience ase aro tai toh Chief Minister Pinarayi Vijayan laga media advisor kori ase. Tai ke September 11, 2003 saal te Kairali TV MD junishe, Kairali TV toh Malayalam Communications Limited pithor te ase. Etu samai, Mr Sivadasan toh purana National President of Students Federation of India (SFI), students wing of CPI(M) ase. Kerala te tinta(3) Rajya Sabha seats toh April 21 darik te kali hobo ase, keli koile tinta(3) members K K Ragesh CPI(M), Vayalar Ravi, Congress aro P V Abdul Wahab, Indian Union Muslim League (IUML) laga term toh kotom howa nemite. Khobor hesab te election toh Election Commission para postponed korishe, hoilebi olop din beche Kerala High Court para polls toh May 2 darik akhe te loboli order te janaishe. Opposition UDF khan para Indian Union Muslim League (IUML) treasurer, MP Wahab ke Rajya Sabha election nemite filed koriboli fesla korishe.
CPI(M): Rajya Sabha Candidates nam junaishe
