International

Crash Howa Ethiopian Jet Laga Pilots Pora Flight Simulator Julaise

March 25, 2019

ADDIS ABABA: March 10 te carsh howa Ethiopian Airlines flight 302 laga pilots khan pora Boeing 737 Max 8 plane ura shikibo nimite flight simulator julaise, etu flag carrier pora CNN ke koise.

Etu toh panch mohoina laga bithor te notun  737 Max 8 plane logote milikena hatsa logpowa toh tweibar wala ase, pohoila bar Lion Air flight toh jowa October te  Java Sea te kirise aro 157 jun manu khan moraise.

Etu crashes pora duniya bhor te aviation authorities khan pora 737 Max uribole pora maana kori dise.

Ethiopian Airlines CEO Tewolde GebreMariam pora Saturday te CNN ke koise ki etu pilots khan pora training lowa etu simulator toh Maneuvering Characteristics Augmentation System (MCAS) logote podli koribole napariye. Etu toh 737 Max 8 planes te ekta notun automatic system ase. etu ke crash investigators khan pora bodnam korise.

Etu airline pora koise ki etu simulator toh January pora loikena julai ase.

Mr GebreMariam pora koise ki tai etu MCAS system laga kotha toh US Federal Aviation Administration (FAA) pora Lion Air crash howa bicchete te ekta airworthiness directive diya bicchete janise.

Purana 737 models pora Boeing 737 Max 8 aircraft ke podli koriya pilots khan toh Boeing pora diya aro FAA pora maaniya programme toh khata samoy karne computer-based training loise, Mr GebreMariam pora koise.

Friday te, CNN pora khobor te koise ki Southwest Airlines aro American Airlines laga pilots khan pora course toh 56 minutes aro  teen ghonta laga trainings loise, etu toh tweita Boeing models majote podli koriya samoy te.

Southwest aro American laga Pilots’ union spokesmen pora koise ki self-administered course, kono te ekjun pilot pora CNN ke koise ki tai laga iPad pora etu course shikise, te Max 8 aro purana 737s majote laga aalag toh janai dise, hoilebi MCAS feature toh bhal pora na samjai.

Ekdam khatarnak crashes bicchete, konoba pilots khan pora  737 Max series aircraft nimite aro training maangi ase.

Mr GebreMariam pora CNN ke koise ki Ethiopian Airlines pora etiya tak fesla koriya ki juti tai khan laga purana Max 8 order khan cancel koribo na nai, hoilebi tai pora janai dise ki etu bi ekta opai ase.