LONDON: Saturday te lakh pora besi protestorsd khan London te jamma korise aro demand korise ki EU membership nimite aro ekta aalag referendum(vote) lobo karne, etu toh Brexit laga mamla pora political diktar thakiya samoy te ase, etu protest toh desh te besi saal bicchete sobse dangor wala ekta ase.
Organisers khan pora koise ki 10 lakhs pora besi manu khan kono Britain European chariya logote khilaf ase toh milikena “Put it to the People” march shuru korise, capital te desh laga pura jakka pora rasta aro rail pora jamma hoise.
Anti-Brexit signs thakiya flags aro EU flags khan bukhikena, tai khan pohoila Hyde Park te jamma korise, etu bicchete tweita mile rasta pora Westminster te jaise.
Parliament laga bahar te etu March laga khotom howa jakka te, Scotland laga First Minister Nicola Sturgeon, London Mayor Sadiq Khan aro opposition Labour deputy leader Tom Watson milaikena speakers khan pora jamma koriya manu khan ke etu din pura kotha korise.
Etu protest te konoba aalag political figures khan bi ahise, tate Independent Group MPs kono Britain laga tweita mainstream parties — Conservatives aro Labour – pora etu saal pohoila te tai khan laga Brexit policies logote khilaf korikena charise, tai khan bi milaikena thakise.
Add Comment