WEST PALM BEACH: White House pora Friday te koise ki ISIS pora Syria te tai khan laga akhiri jakka harise, tate khobor khan etiya bi pai ase ki Baghouz laga larai koriya jakka te larai korise ase koikena.
President Donald Trump laga spokeswoman, Sarah Sanders, pora koise ki Syria te territorial caliphate toh khotom kori dise.
Reporters khan pora juti ISIS pora tai khan laga jakka toh 100 percent harise koikena sawal koriya ke tai pora jawab dise “hoi.”
Trump nijor pora reporters khan ke etu jakka laga maps dekhaise, ekta te ekdam dangor jakka, ekta samoy te groups khan pora kabza korikena thakiya dekhaise aro tweita wala map te dekhaise ki Friday te etu group khan nathakiya halat dekhaise.
White House pora etu maaniya toh Kurdish-led forces pora Baghouz laga bosti te ISIS members khan pora akhiri bar larai koriya chottu jakka te bomb aro aalag hamla koriya laga ek din bicchete koise.
Hoilebi Kurdish-led Syrian Democratic Forces laga ekjun spokesman pora Friday te koise ki White House laga wada thakikena bi larai toh juli ase.
US-led coalition warplanes pora local ground forces khan ke Febraury 9 te shuru howa Baghouz laga larai te modot korise, tate ISIS laga sepahi khan pora ekdam kara pora larai korise aro asurit pora besi civilians khan etu fighters khan logote modot dise.
ISIS pora June 2014 te Iraq aro Syria jakka milaikena Britain pora bi dangor maati kabza korikena “caliphate” koikena maanise.
2017 te Iraq te hariya bicchete, Baghouz hariya laga matlab toh Syria te etu “caliphate” laga khotom ase.
Etu fighters khan etiya tak eastern Syria laga ekdam dangor Badia desert te olop ase.
Add Comment