ROME: Italy pora Saturday te China logote Beijing laga notun silk road project te hisa lobole ekta “non-binding” protocol sign korise. Etu silk road project toh Asia pora Europe tak trade laga rasta olaibo.
Etu koriya pora, Italy toh sobse pohoila G7 desh hoise kono pora dangor project logote sign korise, etu pora US aro European Union ke monjinta kori dise, kile koile China toh duniya te dangor role lobole maksat te ase.
Chinese President XI Jinping aro Italian Prime Minister Giuseppe Conte tweijun bi 29 memoranda of understanding(MoU) sign koribo nimite ekta ceremony te shamil thakise, tate Italian media pora koise ki etu deal laga daam toh 5.0 pora 7.0 billion euros ($5.6 pora 8.0 billion) nisina ase.
Etu accord ke sign koriya majote China laga National Development Commission laga chairman He Lifeng aro Italian deputy prime minister aro minister of economic development Luigi Di Maio bi mojut thakise.
Italian financial daily Il Sole 24 Ore pora koise ki Chinese investments laga daam toh 20 billion euros te othibole pare hoilebi etiya karne toh Genoa aro Trieste laga strategic ports te hi julibo.
Add Comment