New Delhi, 9 October : Cristiano Ronaldo billionaire status te pohchibole first footballer bani jaise, Bloomberg Billionaires Index laga latest report hisab te. Itu report te Portugal laga dangor player laga net worth estimate kori ase around $1.4 billion. 40 saal laga striker laga financial uthan itu piche te ahise kitya tai Saudi club Al Nassr logot ekta naya contract sign korise June te, juntu reportedly $400 million te besi worth ase.
Bloomberg laga kotha hisab te, Ronaldo 2002 aru 2023 majot milai more than $550 million salary earn kori luse. Tai laga decade-long Nike deal bhi ase juntu laga value nearly $18 million hotai saal te hoise, aru lucrative endorsement deals—Armani, Castrol aru dusra company logot—tai laga fortune te aru $175 million add kori dise.
Ronaldo laga Manchester United pora 2023 te Al Nassr te move kori aha bhi etiya tak football history te highest-paid player banai dise, karon tai laga annual salary £177 million ($237.52 million) ase, bonus aru Saudi Arabian club te 15 percent share bhi include kori luse.
Add Comment