Cyclone Gaja chamala karne Tamil Nadu CM pora motub

CHENNAI, NOVEMBER 20 : Tamil Nadu Chief Minister E Palaniswami pora Tuesday din nahua mousom Cyclone Gaja pora kun-kun District te diktar aro chamala kuride kena ase etu jaka te jaise. Aro etu chamala te phasa manu kan ke motub nemite ki-ki saman kan dedese aro bhak kuridese koise.Monday din CM Palaniswami pora Rs. 1,000 crore poisa toh motub kan (Immediate relief aro Rehabilation works) nemite dedebole khobor te janaise. Etu bejete tai tai kan Tamil Nadu state laga Pudukottai aro Thanjavur District te jaikena Tuesday pujutte punjise koise.November 16 te Chennai pora 300 km dur jaka Vedaranyam, Nagapattinam District laga kobi pani osor jaka (Near Coast) te Cyclone Gaja huikena thakise. Etu time te 46 jun manu muraidese aro etu Southern Tamil Nadu laga 10 Districts te ki-ki saman kan sob biya kuride kena diktar hua thakise. Aro etu 10 Districts kan majutte 6 Districts te toh ekdam biya pora nahua kuride kena thakise. Aro etu nahua chamala pora manu kan phasi kena thaka kan toh Relief Camps te 2,51,674 jun jaijai kena thakise koise.Etu nahua chamala kuridiya districts te Chief Minister logot tusera Ministers kanbi melekena thakise koise.