Madras HC Judges nemite B Pugalenthi kossom khaise

CHENNAI, NOVEMBER 20 : Tuesday din Madras High Court laga Judge nemite B Pugalenthi kossom khaise. Aro etu kossom khabole diya toh Chief Justice VK Tahilramani pora dedese. Etu pora edia toh etu Madras High Court laga Judges kan toh 60 jun ase. Etubi 75 jun thakibole thaka majutte. Etu B Pugalenthi toh Tamil Nadu laga Madurai Bench High Court te Additional Advocate General karne thaka laga ase. Etu bejete tai ke President Ram Nath Kovind pora Saturday din etu Madras High Court laga Judges karne banaidiya huise koise. Etu B Pugalenthi toh Virudhunagar District te thaka aro junum hua manu ase. Aro tai Law Degree te Graduate hua toh Puducherry Government Law College te hua laga ase. Eneka huikena tai Bar te 25 sal Experience kurikena thaka manu ase koise.