Kolkata: Thursday din West Bengal laga alag-alag incidents neshina lightning strike aro electrocution para komti hoilebi 5 jun manuh morishe, koikena disaster management department laga official para khobor toh junaishe. Murshidabad district Hariharpara te tin(3) jun pithor te tui(2) jun chokra morishe aro dosura 1 jun Nakashipara, Nadia district te lightning para morishe koishe. Purba Medinipur Nandigram te tui(2) jun chokra lightning para shocked hoikena morishe, etu khobor toh officials para janaishe. West Bengal te cyclone ‘Yaas’ aya beche metropolis aro dosura districts te paani besi tangor kerishe. North 24 Parganas aro South 24 Parganas laga jaga besi te aro Digha tourist hotspot te paani tangor ahishe, hoilebi Kolkata te toh khobor beya eku thaka nai koishe. Met Department para koishe ke, Thursday din Alipore te 5.30 pm para 8.30 am samai dak paani toh 75 mm recorded korishe aro Malda te sobse tangor aro besi 140 mm etu samai record hoishe. Diamond Harbour te 57 mm paani kerishe. Cyclone toh neji te nakira dak paani toh besi tangor keri thakiboli ase, koikena Regional Met Centre laga Deputy Director, , Sanjib Bandopadhyay para khobor toh janaishe. “West Bengal laga districts sob te thunderstorms aro paani besi trangor experience hobo,” tai koishe.
Cyclone Yaas: Bengal te 5 jun morishe
