New Delhi: Apollo Hospitals te Russian COVID-19 vaccine Sputnik V toh June moina 2nd hafta sami bona soruh koriboli ase koikena group para janaishe. Apollo Group of Hospitals laga Executive Vice-chairperson Shobana Kamineni para koishe ke, group khan para India laga 80 jaga neshina te 1 million vaccines doses toh bona kotom hoikena ase aro etu vaccine toh frontline workers, high-risk population aro corporate employees logot thiboli bapana ase. Immunisation programme laga details kotha kora samai, tai para janaishe ke, “June moina te hotai hafta 1 million bonabo aro July moina te double bonabo. Etu saal September moina dak te 20 million doses neshina bonaboli bapana ase”. Private sector pithor te sobse tangor vaccine bona group para koishe ke, tai khan para Union aro State Governments para bemar logot larai kora samai motob kori thakiboli janaishe. “ami khan para Union/State governments aro Covishield aro Covaxin vaccine bona khan laga motob nemite besi dunyawad kori ase,” koikena Ms Kamineni para koishe, etu oper te tai para aro vaccinated nakora dak kaun be safe nai koishe. Coronavirus bemari logot larai kora te Russian Sputnik V vaccine joboli mania te India toh 60th country wala hoishe. Itya etu vaccine toh countries besi te 3 billion nahoile duniyaa laga population 40 percent manuh logot jolaboli manikena ase.
June te Apollo Hospitals para Sputnik V vaccine bonabo
