New Delhi: Delhi government para junaishe ke, COVID bemar manuh kaun oxygen komti nahoile oxygen nathaka nemite moribo, tai nemite ghor manuh logot Rs 5 lakh compensation thiboli koishe. Etu poisa toh olop din akhe te koikena thaka neshina COVID-19 bemar para morishe koile Rs 50,000 compensation thiboli junaikena thaka te aro thali thibo koishe. Aam Aadmi Party (AAP) government para 6 doctors pithor te committee bonaikena compensation nemite kam koriboli janaishe. Committee para kam toh saikena sobse besi compensation Rs 5 lakh toh thibo koishe. Tai para documents neshina hospital te oxygen supply, stock aro storage toh saboli right ase koishe. Etu committee khan para Principal Secretary (Health), Delhi logot hotai hafta report toh janai thiboli koishe.
