September 8. 2020. Duniyaa te desh sob coronavirus bemar para bahl hoboli roka samay, Monday din US President Donald Trump para besas te koishe ke, coronavirus vaccine toh etu saal October moina te hoijabo. “etu kam toh tui(2) nahoile tin(3) saal loboli thaka toh— olop din he lakibo”, koikena Trump para news conference te koishe. “Aro October moina te hoboli pareh”. Besi manuh neshina health officials aro scientists khan para koishe ke, Food and Drug Administration (FDA) toh besi pressure ase, keli koile White House para vaccine toh November 3 darik te Trump re-election nakora agae te olaboli ase koishe Etu oper te, Jodi vaccine toh market te ahilebi Americans manuh khan para tawai loboli monjur nai koishe. Trump para koishe ke, vaccine toh besi safe aro bhal hoboli janaise. “aro etu jolti para olabo. Etai, tumi khan besi tangor asorit lakibo”. Etu samay, Trump para Joe Biden logot botnan korishe ke, tai nemite FDA khan political pressure para free ase. Trump para Biden ke “political lies” matishe. Trump laga conference agae te, Biden para koishe ke, scientists khan laga kotha manikena November te presidential election nalowah agae te coronavirus vaccine toh babo naa nai janibo koishe. “ami scientist khan para kowah roki saboli mon ase,” Biden para reporters logot koishe. Tai aro hotishe ke Anthony Fauci aro Food and Drug Administration khan ke besas ase na nai, etu samay Biden para vaccine nemite kotha toh kula-kuli hoboli lage koishe.
Add Comment