Delhi, India, 16 October : Ekta video dey kuntu viral huishey social media dey, bheer para cheer kuri thakia dikhibo parishey kitia Naveen para England laga Jos Buttler ke dismiss kurishey jeet paa piche dey defending champions laga khilaf.
Afghanistan para sobse dangor Cricket World Cup shocks ulaishey Sunday dey kitia taikhan para defending champions England ke 69 runs para haraishey New Delhi dey.
Jitiwoley 285 kitaina opener Rahmanullah Gurbaz para 80 maria piche dey, England ke 215 para bowl out kuri dishey juti Harry Brook laga 66, spinners Mujeeb Ur Rahman aro Rashid Khan kun para 3 wickets paa laga kui thakishey.
“World Cup dey jaa champions ljan ke harai dia toh bishi dangor garv laga pal asey, itu pura nation aro team karoney bishi bhaal pal asey. Ekta sundur performance? bowlers aro batters khan karoney,” kuishey Mujeeb.
Itu jeet para Afghanistan ke taikhan laga second World Cup jeet dishey ekta jeet Scotland laga khilaf thakia dey milaina kuntu 2015 tournament dey thakishey.
Add Comment