Kitia Cricket World Cup toh olob din shuru hui asey, Zainab toh Monday dey India charina jai jaishey. Itu para khota ulaishey ki taike deport kuri dishey nahuiley tai laga employers para wapis pathai dishey.
Ekta media report Pakistani newspaper Dawn dey kuishey ki ekta “complaint file kurina thakishey New Delhi dey ekta lawyer para, kun para taike past dey Hindu bisas laga biya khota tweet kurina target kurishey kuishey.”
“Muike jaawi kuanai aro muike deport bhi kurianai,” tai likhishey X laga ekta post dey, kuntu agey dey Twitter kuina jani thakishey. “Huilewi, mui bhui lagishey online dey reaction ulai thakia karoney. Aro juti eku threats thakianai mui laga safety karoney, mui laga khantan, aro saathi khan toh border tuita side dey para bishi jinta thakishey. Mui time aro jagah lagi thakishey itu cheez hua laga phabna kuriboley.”
“Mui buji asey aro bishi regret kurey itu post circulate hua para muun bikhai dia toh. Mui janai diwo mun asey ki itu para aji mui ki asey aro mui laga values ke represent nakurey. Inika khota karuney eku bahanaa nai aro kun kun muun bikhaishey mui maafi maangi asey,” tai halishey.
Zainab toh ekta sports journalist asey aro commentator 2015 para luina, Abbas toh agey mahila sports reporter aro commentator huishey 2019 dey cricket World Cup ke cover kuriboley Pakistan para.
Reports kuishey ki advocate Vineet Jindal para India laga Home Minister Amit Shah aro tai laga mota bacha Jay Shah ke bhi likhishey, kun India dey Board of Control for Cricket dey chief asey.
India toh Pakistan ke ekta crunch match dey khiliwo Saturday dey Ahmedabad dey.
Add Comment