AGENCIES : Delhi government para Monday te Punjabi Basti Market and Janata Market, Nangloi, bondh kuribole laga order toh revoke kurishe.UT government para akhe te order dishe etu markets khan bondh kuribole nimete covid 19 guidelines aro social distancing norms khan namana nimete.
Olop akhe November 17 te Delhi government para dhamki dishe ki judi lagishe koile toh markets khan safety protocols khan namanikena thakishe koile toh olop din nimete bondh kuribo.
Chief Minister Arvind Kejriwal para virtual press conference November `17 te koikena janaishe ki”Delhi te cases khan bishi utha nimete ami khan ekta general proposal phutaishe central government kohan logote judi lagishe koile toh delhi government khan etu bazaar khan bondh kuribole paribo kuntu te norms khan follow nakureh kunba din nimete etu jaka khan toh local COVID-19 hotspots hoi thaka nimete.”
Delhi health department para latest bulletin diya hisaab te Delhi te 6,746 fresh COVID-19 cases Sunday te olaishe aro ekta positivity rate 12.29 per cent thakishe aro bi 121 nishena fatalities para death toll tohu 8391 hoishe.etu nutun cases ola toh Saturday din te luwa 54,893 tests para thakishe etu te 23,433 RT-PCR tests ase.
