New Delhi:Weather department koishe Sunday te Delhi te fog toh bishi hoishe. Fog nimite 50 meters tok eku dekhibole napara hoishe. Aro sob para komti temperature toh 5 degree Celsius majote ase. Indian Railways laga hesab te bishi para bishi 13 trains khan toh dubara samay banabole lagishe. Train toh dui ghonta para deri huwa pichete kurishe.
System of Air Quality and Weather Forecasting And Research (SAFAR) koishe thanda hawa nimite national capital laga Air Quality Index (AQI) toh “poor” category te choishe.
Delhi laga overall AQI fusur te 252 thakishe. Dhirpur te AQI toh 11am te 160 record kurishe. Aro Mathura Road jaga te 274 ‘poor’ category te gerishe.
Delhi laga sob para ucha temperature toh 19 degree Celsius osor te he ase.
Railways koishe ke Rewa-Anand Vihar Superfast Express, Guwahati-New Delhi Express aro Hyderabad-Delhi-Telangana Express toh dui ghanta para deri hoishe. Sob trains deri huwa laga karan toh fog nimite bhal para sabole napara nimite ase.
Dusra trains khan kun dui ghonta para bishi deri hoishe etu khan toh Howrah – New Delhi Duronto Express, Mahabodhi Express aro Islampur New Delhi-Magadh Express ase.
Add Comment