THANE: Sunday te police koishe Maharashtra, Thane district laga Gokul Nagar area te panchta manu ke arrest kurishe. Etu panchta manu toh 58 years bura manu laga chokora ke lutishe aro etu pichete bura manu ke morai dishe.
Rabodi police official koishe etu panchta manu khan toh Saturday laga ekdam fusur te Sonu Jaiswal laga ration laga dukan lutishe. Etu panchta manu toh Sonu Jaiswal alag dukan para Rs. 40,000 lutishe.
Rabodi police official koishe Jaiswal ghor tea hi kena tai laga family ke ek ghatna laga khobor kurishe. Etu huni kena tai khan etu panchta manu ke lok kuribole jaishe. Family ke etu panchta manu khan para marishe aro etu jhagara te Pradeep Jaiswal, victim laga baba toh murishe.
Official koishe police para main manu ke identify kurishe. Tai khan laga naam toh Amin Mehboob Shaikh aro tai laga bhai Shoukat ase. Dusra teenta manu khan ke bhi dhurishe aro tai khan ke murder kura laga charge kurishe.
Add Comment