Delhi laka ekta café bahar deh firing hui shae; pas jun keh arrest kuri shae

August 26, 2024: Sunday rati deh ekta jamala olai shae, south west Delhi laka Satya Niketan jaka deh. Jamala ola piche deh cafe laka bahar deh firing hui shae. Enaka hua tho pas jun keh arrest kuri di shae, upor deh fire kura karne, ekta police officer para Monday din deh kui shae. Jamala tho café owner para ekta customer keh glass table deh nahu b kui nah kwa piche deh hui shae. Deputy police commissioner (southwest) Rohit Meena para accuse tho Ahmed, Aurangzeb, Atul, Javed aro Adil ase kui nah identify kuri shae, kun kan sob Jahangirpuri laka resident taki shae. Mamla jana manu kan para Javed lokot deh taila against choitha criminal cases taki shae kui shae aro illegal firearms aro ekta Thar Suv keh seize kuri shae kui shae. Police para taikan laka control room kan 8:48 pm deh ekta call pai shae kui shae, Satya Niketan café deh firing hui shae kui nah. Police para jaka deh puncha time deh, café deh kam kura manu para situation tho kui shae taikan keh.  Police para initial investigation keh cite kuri shae aro accuse tho Jahangirpuri para ahi shae kui shae, ekta birthday mana bo karne.