Sanjay Roy para doctor laka rape-murder nakura time deh alak maike keh harass kuri shae

August 26, 2024:  Sanjay Roy, kun ekta 31 sal doctor laka rape aro murder kura karne accused ase, tai report isap deh crime kuri shae kui nah confess kuri shae, taila polygraph test time deh. Lie-detector test time deh, Sanjay Roy para Central Bureau of Investigation (CBI) keh tai crime nakura time deh, ekta red light jaka keh visit kuri shae kui shae, taila sathi lokot deh. Tai hoile b sex kura nai kui shae. Sanjay Roy para rasta deh alak ekta maike keh molest kuri shae kui nah confess kuri shae, India Today para report kuri shae. Channel laka isap deh, Sanjay Roy para taila girlfriend keh video call kuri shae aro taila nude photos mangi shae. Crime laka rati deh, Sanjay Roy, taila sathi lokot deh mudo kai taki shae. Taikan kah piche deh red light jaka karne jai shae. Etu piche deh taikan Chetla deh jai shae, kuto aro alak ekta red light jaka ase, South Kolkata deh. Chetla deh jah time deh, taikan para allegedly ekta maike keh molest kuri shae. Taikan hospital deh wapas jai shae piche deh. Sanjay, tai 4:03 am deh corridor deh jai shae, kuto seminar hall osor deh ase. Maike keh rape aro murai dia piche deh, tai, taila sathi Anupam Dutta laka ghor deh jai shae, ekta police officer para kui shae. Ekta TOA report para Sanjay Roy tho misleading jawab kan di taki shae kui shae, kuto polygraph machine para flag kuri shae. CBI para accuse laka ekta psychoanalytic profile keh drew kuri shae, kuto para tai over heh pornography addicted taka manu ase kui nah reveal kuri shae. Taila phone deh porn clips kan bishi pai shae. CBI para medical college laka ex-principle, Dr Sandip Ghosh keh b probe kuri ase. Taike lie-detector test b kuri bo di shae, Saturday din deh. Jua hapta, Supreme Court para Kolkata Police keh, taikan kile FIR register kuri bole 12 hours laka upor lui shae, etu hudi shae. Court para Sandip Gosh tho rape aro murder keh suicide laka case ase kui nah pass kuri bole koshish kuri shae kui shae.