New Delhi, October 29 : Sunday din te Lieutenant Governor V K Saxena para 10jun Police ke Rs 2.44 crore government fund laga galat istamal kora laga case te sajai dibole nimitey izazat disey koikina ekta statement olaisey.
Delhi Police laga Economic Offences Wing (EOW) para duijun maiki sub-inspector, 3jun head constable ao 5jun constable laga against te October 1, 2019 te thoga, criminal sajish kora aro biswas bhanga laga jurum te ekta FIR register kurisiley.
Etu doshi khan laga majotey duijun maiki sub-inspector Meena Kumari aro Harender, head constable Vijender Singh, Viju P K, Anand Kumar aro constable Krishan Kumar, Anil Kumar, Ravinder, Sanjay Dahiya aro Rohit shamil thakisey. Taikhan ke nijor laga personal use nimitey Rs 2.44 crore poisa laga galat istamal kora laga iljam te charge kurisey.
Etu police khan ke sajai dibole laga permission bisara homoitey, Home Department para etu submit kurisey ki Krishan, Vijender Singh, Anil Kumar aro Meena Kumari para government laga poisa logotey olta polta kurikina galat istamal kora tu Kabul kurisey.
Delhi Police para poila para Krishan Kumar, Vijender Singh, Anil Kumar aro Meena Kumari ke Constitution laga Article 311(2)(b) laga provisions ke cholaikina taikhan laga service para out kuridisey. Economic Offences Wing (EOW) para etu 4jun manu laga against te charge sheet file kurisey.
Add Comment