New Delhi, 7 May : Rekha Gupta Wednesday te announce korishe ki Commonwealth Table Tennis Championship 2026 July 27 pora August 2, 2026 tak Thyagraj Stadium te hobo. Championship Delhi Government aru Table Tennis Federation of India jointly organise kori ase.
Tournament te 35 pora bhi bisi Commonwealth nations participate koribo expected ase, jun bitore ase England, Australia, Canada, New Zealand, South Africa, Malaysia, Singapore aru aro alag desh. Officials khan hisaab te, etu Commonwealth Table Tennis Championship laga sabse dangor editions majot ekta hobo.
Seven-day championship te different categories laga matches hobo, aru grand finals August 2 te conclude hobo. Ticketing, volunteer participation aru full match schedule relation te details ahibole baki ase.
Speech diya time te Rekha Gupta koise ki Delhi age pora world-class sporting events host kori aha strong legacy ase, aru etu championship capital city laga global sports image aru bhal koribo. Tai assure korishe ki Delhi Government world-class infrastructure aru smooth arrangements dibole fully prepared ase.
Tai aro koise ki Thyagraj Stadium main competition aru ceremonial venue hobo. Modern facilities logot stadium players aru audience duijon karone world-class experience dibo.
Etu occasion te Ashish Sood bhi koise ki Delhi ke India laga leading “Sports Capital” banabole government kaam kori ase, aru etu international championship etu direction te ekta important step hobo.
Add Comment