New Delhi, 7 May : The Boys laga final season officially India te release hoijaishe, kintu bisi viewers notice korishe ki India version te bhal edits aru censorship ase. Adult rating thaka pichete bhi, Reddit aru X te fans khan complain korishe ki dialogue mute kori dise, visuals blur kori dise, aru kunba scenes short kori dise, juntu original creator laga vision ke change kori dise kuina koise.
Notun season te Homelander America upor aru bisi control loi ase fear, propaganda aru authoritarian power use korise. “Freedom Camps” use kori dissenters khan ke chup koribole try kori ase, aru White House osor te power gather kori ase. Dusra side te, Annie January laga resistance survive koribole struggle kori ase.
Meanwhile, Billy Butcher ekta dangerous plan logot phiri ahise — etu plan te ase ekta virus kuntu Compound V thaka manu khan ke khotom koribo pare. Butcher etiya original V1 strain bisari ase, aru situation aru intense hoijai ase Soldier Boy phiri ahia pichete.
Reports hisaab te, India version laga bisi edits religious satire aru graphic scenes upor focus kori ase. Episode 1, Fifteen Inches of Sheer Dynamite te, Susan Heyward laga character Sister Sage religion relation te kisu dialogue koi thaka time te specific words mute kori dise, aru subtitles te ellipses use kori dise.
Episode 2, Teenage Kix te bhi virus testing scene laga kisu disturbing visuals trim kori dise. Explicit biological details nadikhabole wide shots use kori ase.
Episode 5, One Shots te, Valorie Curry laga character Firecracker ekta Jesus figurine dustbin te pelai diya scene India version te digitally blur kori dise. Homelander laga ekta dialogue — “Prophets are servants” — bhi censor kori dise buli viewers khan notice korishe.
Episode 6, King of Hell te, Black Noir aru The Deep involved thaka violent massacre sequence laga kisu close-up shots bhi shorten kori dise graphic content kom koribole.
Add Comment