Delhi Police 23 ke Police Medals junaishe

New Delhi: 75th Independence Day din te 23 Delhi Police personnel logot tai khan laga kam nemite Police Medals thiboli ase, koikena Saturday din officials para janaishe. Tai khan pithor te 6 jun manuh- DCP Amit Sharma (etai SP, Daman te posted), ACP Anuj Kumar (itya SP, Diu te posted) aro Head Constable Rattan Lal (posthumously), Constables Pradeep Sharma, Mohit Kumar aro Naveen, etu khan para mon tangor korikena Northeast Delhi riots te kam kora nemite Police Medal thiboli janaishe. Etu oper te Joint Commissioner of Police Tusar Taba aro Sub Inspector Chacko VC logot Distinguished Service nemite President’s Police Medal janaishe aro Additional Commissioners of Police Rajneesh Gupta aro Rajeev Ranjan, DCP Vikram Kapali Porwal, DCP Ajay Pal Singh, DCP Sushil Kumar Singh, Additional DCP Govind aro dosura 15 sepai khan ke Meritorious Service nemite Police Medal thiboli ase, koikena officials para janaishe. February 24, 2020 saal te northeast Delhi te Maujpur Chowk osor tuita(2) communities besi beya para larai korishe aro etu samai manuh khan pithor te pathor para mara-mari be korishe. Police laga khobor hesab te Amit Sharma toh Deputy Commissioner of Police (Shahdara) te thakai samai tai toh Chand Bagh Mazar te protest kora jaga te thakishe aro etu samai Wazirabad Road te traffic peraboli jamila thakishe aro protest manuh besi jama korikena thaka samai ACP Gokalpuri Anuj Kumar toh etu jaga te tai laga staff logot jaikena DCP ke motob thishe. Etu samai Brijpuri T-point te 30,000 manuh osor te jaikena Mr Sharma aro tai laga sepai khan jaikena protest kora manuh ke samal korishe, hoilebi Wazirabad road te besi tangor jamila olaishe aro ajanak para protest manuh khan para police party oper te pathor para mara soruh hoishe. Etu hatsa toh jowa saal howa ase aro etu samai Mr Sharma para fesla loishe ke etu jaga para nahatikena halat toh sai thakishe. Head Constable Rattan Lal, kaun para ACP Gokal Puri logot larai kora samai motob deya samai tai ke protest kora jaga para goole marikena etu jaga te tai morishe, koikena police para janaishe. Rattan Lal para jarikena jowa toh tai laga maiki Poonam aro tinta(3) bacha logot north Delhi’s Burari te bohi ase. Tai laga maiki Poonam para koishe ke, “ami besi kushi ase ke ami laga motha medal bapoli ase, hoilebi tai jenta thaka samai paishe koile aro besi kushi hoboli thaka ase. Ke laga medal hoilebi ami nemite motha toh sobse tangor wala ase, hoilebi aji tai ami khan logot nai aro tai laga kam nemite manuh khan para saman kora nemite kushi ase.”