Dimapur, 11 May: Delhi Public School, Dimapur (DPS) deh felicitation programme thakishe. DPS Dimapur laga class 12 examination deh 100% pass hoise. Sob students khan sob subjects deh besi phal performance deshe. Peshi toppers majode konbah laga naam enaga ase; Ketiyala Imchen (Arts Stream) para Geography deh 99 marks score korishe, Hitoli Ayemi (Arts) para History deh 98 marks score korishe, Thejavizo Rino (Science) para Informatics Practices deh 92 marks score korishe aro Shruti Jain (Commerce) para English deh 97 mark score korishe.
Etu programme deh class 10 laga student para recitation present korikena suru korishe. Programme deh sports headlines, state news, honouring mother’s day (poem)/ speech etc thakishe.
Principle V. K Nanda para sob ke welcome korishe. Tai koishe tusara school khan Delhi Public School para phal hobole kosish kori. Hoilebe students aro teachers khan para daiyar kora toh tai khan para alag ase. Principal para sob topper student ke phal kotha koikena farewell dese.
Pro. Vice Chairman DPS Dimapur, Mr. Aotoshi para students ke alchi nahobi koishe. Hotai mon dekena poribole koishe. Tai para kowah toh, DPSD toh poisa kama (Money Making) institution nahoi. Aro mesha meshi laga khobor public ke nadae. Tai para parents khan ke institution phal kuribo karni phal idea debole kosishe. Parent aro teachers khan melikena student khan agae jabole kaam kuribo lagi.
DPSD para student khan ke cash prize dekena felicitate korishe. 90% opor powah khan ke Rs 25,000 cash deshe. 80% opor powah khan ke Rs 15,000 cash deshe.
Programme deh parents khan be ahaise. Etu programme toh National Anthem gai kena kothom korishe.
Add Comment