Kohima

Department of Economics & Statistics pora natun Inducted Parliamentary Secretary ke felicitate korishe

February 28, 2017
61 Views

Kohima, February 28: Department of Economics & Statistics pora 28th February 2017, DES conference hall, Kohima te tai khan laga natun induct hoikene thaka Parliamentary Secretary, Economics & Statistics, Tovihoto ke felicitate korishe.

Programme te kotha korikene Tovihoto pora koise, Department of Economics & Statistics toh government laga backbone ase aru Department pora ekdum dangor responsibilities loikene nodal department hisab te functioning kori ase. Tovihoto pora officers aru staffs laga support bisarikene tai khan laga guidance aru co-operation dibi koise. Tai pora koise, department laga bhal karone staff khan ‘sense of responsibility’ thakikene duties kora homoi te peaceful environment banaikene thakibi. Tai pora jankari dikene koise, banai thaka natun directorate building toh etiya banaikene khotom hobole ase aru State te greater achievement achieve koribole karone Department pora tai khan team spirit logot sincerely kaam korikene thakibi.

Department laga brief presentation korikene Secretary, Economics & Statistics Kevilenuo Angami pora koise, sal 2009 te data laga dissemination karone Government pora Department ke nodal agency declare kori dikene thakishe aru State laga growth karone nana kisim activities khan bi korikene ase.

Department laga activities khan ke highlight korikene Director, Y.Sacheo Ovung pora koise, Economics & Statistics toh grassroot level te pora data collection laga Department ase. Department pora samna (face) kora challenges ke bi tai pora share korikene thakishe. Natun inducted Parliamentary Secretary laga dynamic leadership under te Department toh arubi bisi bhal hoi jabo koikene tai pora asha (hope) korishe. Tai pora officers aru staffs khan ke bi samjaikene duities kora homoi te thik pora kaam korikene thakibi koise. Tai pora parliamentary Secretary ke congratulate korishe aru Department pora hodai parliamentary Secretary ke full support aru co-operation dikene thakibo koikene assure korishe.

Eitu felicitation programme ke Joint Director, R. Kronu pora chair korikene thakishe.