Kohima, February 28: DAO division laga aegis under te thaka Longding Battalion pora 27 Feb 2017, Niausa bosti te ekta successful operation korikene thakishe.
Longding town te terrorize aru forced extortion koribole kosis kora ekta cadre Self Style Lance/Cpl Akha Wangsu ke Longding Battalion pora dhurishe. Eitu manuh logot pistol, live ammunition aru Opium thakishe. Post spot interrogation kora homoi te tai toh NSCN(IM) laga cadre ase koise aru tai eitu group te August 2015 pora part loikene thakishe koise.
DAO division laga aegis under te thaka Changlang Battalion pora underground outfits khilaf te bisi intense operations korikene ase aru 26 Feb, 2016 te Battalion pora Mulong village te ekta successful operation korikene thakishe.
Mulong bosti te extortion aru terrorize kora cadre Machow Ngaimong (NSCN-K) laga jankari paikene battalion pora operation launch korikene thakishe aru eitu cadre ke dhurishe. Tai logot ekta pistol aru live ammunition thakishe. Post spot interrogation kora homoi te tai toh NSCN(K) laga ase koikene thakishe aru eitu banned outfit te tai jua sath (7) sal agge te pora kaam kori ase koikene juanai dishe.
South ALP te Security Forces khan pora aggressive operations kori ase aru eitu manuh ke etiya dhurikene thaka toh extortion activities kora group karone bisi biya khobor ase. Eitu operation pora group khan karone bisi biya hoikene ase aru local population nimite shanty ani dikene ase.
Add Comment