Kohima, February 12: Phesama check gate te thaka Kohima Police pora 11 feb 2017, 1:00 pm nisena homoi te gari laga checking korikene 1& ½ (one and half) Kgs approx – brown Heroin ke seize korikene thakishe. National market te eitu Heroin laga daam toh approximately 1.50 crore nisena thakibo. Eitu mamla ke loikene police pora Kailash Dangi (36 yrs), S/o. Mangilal, Vill- Khuri, PO/PS- Teh-Biora, Dist- Rajgarh (M.P) ke dhurikene ase.
Eitu contraband ke brown envelope te bandhikene thakishe aru airbag bithor te chupaikene thakishe. Dhurikene thaka manuh toh Tata Winger – bearing registration No. MN01X-9306 te Imphal pora Dimapur te jai thaka homoi te tai ke dhurishe. Eitu manuh pora kua hisab te eitu saman toh tai pora Kanpur bus stand te ekta client ke dibole thakishe.
Eitu connection te chanbin koribole karone eitu manuh laga khilaf (against) te ekta criminal case vide Kohima South P.S Case No. 0011/2017 U/S 22(C) NDPS Act register korikene ase.
Add Comment