November 29, 2023 : Itu Government of India, Ministry of Communications, Department of Posts, Nagaland Division para toh hoiley itu general public ke inform kurishey ki, Dak Ghar Niryat Kendra (DGNK) aru Post Book Now Pay Later (BNLP) Services khan toh hoiley itya available asey, itu Post Office tey.
Itu Dak Ghar Niryat Kendra (Post Office Export Centre) toh hoiley ekta initiative asey, itu Government of India para undertake kuria laga, prospective entrepreneurs khan nimitey, kun toh hoiley wish kuri thakey, chutu mutu scale laga foreign export khan kuriboley karney, itu northeastern state khan opor tey special focus kuri kena. Itu DGK toh hoiley Foreign export karne he ekla asey, GOI para support kuri kena, kuntu toh hoiley legal asey aru commercial asey. Judi kunba manu khan itu nimitey interest asey koiley, itu nishina service khan avail kuriboley, tai khan logotey valid GSTIN thakiboley lagey koi asey aru DNK laga Website tey para registered kuriboley koishey, Important Export Code (IEC) paboley karney, itu Director General of Export (www.dgft.gov.in) laga website para, kotey toh hoiley ekta nominal fee Rs 500/ – lagibo koi asey, register kuriboley. DNK laga benefit toh hoiley Middle man khan nathakibo, Custom problem thaka khan komti hobo, mail bag khan patha toh direct Foreign Post Office tey jabo, Kolkata tey, aru pick up laga facility etc, khan bhi thakibo koishey. Nagaland tey thaka DNK laga location, kotey customer khan toh hoiley foreign export articles khan book kuriboley para toh hoiley, itya toh – Kohima HPO, Dimapur MDG, Mokokchung MDG, Wokha Sub Post Office aru Chumoukedima Sub Post Office tey asey, koi asey.
Add Comment